Familientzako Elikadura Eskola

Hazi Bizitik 4 saiotako ekimen bat antolatu degu, “Familientzako Elikadura Eskola” deritzona. Hauen bitartez gure seme-alaben eta gure elikaduraren inguruko hausnarketa bultzatu nahi dugu, eta hobekuntzarako pausoak eman. Hona hemen lau saioen berri:

1. Saioa:

Nork erabakitzen du jaten deguna?


2. Saioa:

Nola jan dezakegu hobetoago?


3. Saioa:

Nola hobetu dezakegu jantokietako elikadura?


4. Saioa:

Platerak eta pantailak: elikadura eta sare sozialen erabilera konszienterako erabilerak

Eskulan eta gaileta tailerra

Aurten ere ederki pasa dugu eskulan eta gaileta tailerrean.

HH4tik LH2ra bitarteko haurrak eta guraso laguntzaileak eskolako jangelan lan eta lan jardun gara, gabon giroko apaingarriak eta gaileta goxoak egiten.

Mila esker parte hartzera animatu zareten guraso bolondres guztiei eta bereziki urtero urtero gailetak egiteko masa oparitzen digun Sayalero gozotegiari.

Hemen eskulanen tailerren argazki batzuk:

Hemen gaileta tailerraren argazki batzuk:

2. Eskuko jostailu azoka

Aurten ere egin dugu 2. eskuko jostailuen azoka.

Eskerrik asko etxeko jostailuak ekarri dituzuenoi, azokara gerturatu zareten guztioi eta baita saldu ez diren jostailuak jaso dituen Zarauzko Gurutze Gorriari ere.

Jostailuak etxez aldatu eta erabiliak izaten jarraitzeko modua izateaz gain, Balurdin guraso elkartearen hurrengo ekintzetarako dirua bildu da.

Mila esker guztioi!

Eskolako jaia

2023/06/04

Eskola amaierako jaia bikaina izan da!

Orokieta Herri Eskolan ikasturte amaierako jaiaz gozatzeko primerako aukera izan genuen. Alaitasunez eta kolorez jantzi genuen eskola. Peperen oroimenez egindako esku pilota txapelketako finala, dantzaldiak, tailerrak, ur jolasak eta abar luze batez eman genion hasiera festari. Bazkari eder batekin indarrak bereskuratu ondoren, arratsaldean musika eta festaz gozatzen jarraitzeko aukera izan genuen. Haur, gazte nahiz helduek ederki pasa genuen.

Eskerrik Balurdin Guraso Elkarteko partaide guztiei eta bolondres modura lanean aritu zareten denoi, zuek gabe festarik egongo ez zelako, eta, noski, bertaratu zineten eta Orokieta osatzen dugun komunitate osoari. Bejondeigula!

Testua: OROKIETA.

YOGA FAMILIAN

Eguraldi paregabearekin elkartu ginen pasa den maiatzaren 27an Zarautzko Torreoian, Amaia eta Aiurrek gidatutako yoga saioaz gozatzeko. Ondoren mokadutxo osasungarria prestatu ziguten Hazi Bizi ekimeneko bultzatzaileek.

Además de un tiempo estupendo, el 27 de mayo pudimos disfrutar en el Torreón de Zarautz de una sesión de yoga en familia de la mano de Aiur y Amaia. Tras la sesión de yoga disfrutamos de un aperitivo saludable preparado por las impulsoras de la iniciativa Hazi Bizi.

Maiatzak 27, 10:00-11:30
Zarauzko Torreoia

SURFSKATE IKASTAROA

Eskolako 60 ikaslek hartu zuten parte pasa den maiatzaren 20an antolatutako SurfSkate ikastaroan. Aurtengo deialdiaren arrakasta ikusita hurrengo urtean ea nahi duen orok parte hartzeko aukera duen!

Un total de 60 participantes disfrutaron el pasado 20 de mayo del curso de SurfSkate en el frontón de Orokieta. Viendo el éxito de la convocatoria de este año, el próximo año intentaremos que haya más plazas disponibles!

Maiatzak 20, 10:00-12:00
Orokietako Frontoia

Hamaiketako osasungarri tailerrak

Martxoa eta apirilean “Hamaiketako osasungarri tailerrak” egin ditugu Hazi Bizi proiektuaren baitan. Proiektu honek Orokietako jangelako kudeaketa eredua aldatzea du helburu nagusi eta kurtso honetan, Lakari kooperatibak gidatuta eta Urkomeren finantzaketa lagun, Balurdinek jangelaren kudeaketa aldatzeko prozesua gauzatzeko lanketa hasi du.

Lanketaren parte garrantzitsua da guretzat haur zein guraso elikadura osasuntsu baten garrantziaz sentsibilizatzea eta xede horrekin antolatu genituen tailer hauek. Hamaiketako edo meriendarako alternatiba goxo eta osasuntsuak egiten ikasi genuen bertako eta garaiko produktuak erabiliz. Bertaratutako haur eta gurasoek eskuak zikindu eta arratsalde interesgarri eta dibertigarri bat pasa genuen Orokietako jangelan. Errezeta ezberdin ugari prestatzeko aukera izan genuen eta amaieran errezeta guztiak dastatu genituen afari merienda batean. Bukatzeko, errezeta guztiak biltzen dituen liburuxka bana jaso zuten haurrek opari eta errezeta horiek bertaratu ez zineten guztiokin konpartitu nahi ditugu esteka honetan.

Tailerreko plaza guztiak bete ziren eta guraso asko animatu ziren haurrekin batera, beraz, janari osasuntsuak interesa sortzen duen sentsazioarekin geratu gara eta horrek asko pozten gaitu. Jarrai dezagun ba lanean!

Zinea euskaraz HHkoentzat

Otsaileko asteazken arratsaldeetan euskarazko film emanaldiak egin ditugu HHko haurrentzat. HAZI BIZIren eskutik palomitak banatu zaizkie eta berauek janez Orokietako txikienek lagunekin batera zineaz euskaraz gozatu dute.

Hauek izan ikusi ditugun filmak:

  • Otsailak 8: Grufaloa
  • Otsailak 15: Barraskiloa eta Barea
  • Otsailak 22: Grufaloaren alaba